Live Life Dezine

Architecture & Design Magazine in Myanmar

Architecture (၀ါ) ဗိသုကာပညာရပ်ဖြင့် သက်ဆိုင်သော ကြောင်းကျိုးကြီးငယ်များကို ဝေဖန်ထောက်ရှုခြင်း …

ကျွန်တော်လက်တွန့်တဲ့ခေါင်းစဉ်တစ်ခု။ ဒါပေမယ့် ကျွန်တော်တို့အတွက် မရှိမဖြစ်လိုအပ်သည့် အထိန်းအကွပ်ပဲ့ ကိုင်လက်တစ်စုံ။
ကျွန်တော်ကိုယ်တိုင် Architect မဟုတ်၊ Architecture ပညာရပ်ကို လေ့လာသင်ကြားခဲ့သူမဟုတ်လေတော့ “ဘေးထိုင်ဘုပြော” တစ်ယောက်ဖြစ်မှာကိုလည်း စိုးရိမ်မိသည်။ ဒါပေသိ မြင်ရတာတွေများ၊ သိတာတွေ များလာတော့ ရင်နှင့်အမျှပေါ့။
ဝေဖန်ရေးစာပေဆိုသည်က တာဝန်ကြီးသည်။ ထို့ကြောင့် ကျွန်တော်ဖဲကြိုးဖြတ်လမ်းဖွင့်ပေးရုံသာသာ နိဒါန်းမျှပျိုး နိုင်မည်။ ကျွန်တော်ဖွင့်သောလမ်း သက်ဆိုင်ရာပညာရှင်များ ဆက်လက်လျှောက်လှမ်းစေချင်သည်။ ထို့ကြောင့် ကျွန်တော့် ခေါင်းစဉ် ကျွန်တော်ရေးသားမည့်အကြောင်းအရာက “ Architecture ဝေဖန်ရေးအတွက် နိဒါန်း” စာကိုယ်မဟုတ်သေး။
ပြောမည့်သာပြောရမှာ၊ ပြောရမည့်အကြောင်းအရာတွေက ဝေဖန်ရေးစည်းဘောင်ဝင်အောင် အားမကောင်းလှ။ အစည်းအရုံး (AMA) ကို ဝေဖန်ထောက်ရှုမလား၊ ဆရာကြီး၊ ဆရာမကြီးတွေ ကိုယ့်ထမင်းကိုယ်စားပြီး မျိုးဆက်သစ်တို့ တိုး တက်ရေး၊ ပညာရပ်တိုးတက်ရေး၊ ပညာရပ်သိက္ခာ၊ အသင်းအဖွဲ့ရပ်တည်မှုစသည်တို့အတွက် ဆရာစိတ်၊ သမားစိတ် အပြည့် စိတ်ရှုပ်ခံအားကုန်ရုန်းနေသူများ။ AMA ၏ကြိုးစားမှုကြောင့် ပညာရပ်သိက္ခာမြင့်တက်လာသလို၊ နိုင်ငံတော်အစိုးရ အသိ အမှတ်ပြုကော်မတီတစ်ရပ် MAC အဖြစ်ဖွဲ့စည်းနိုင်ခဲ့သည်။ ၀ါသနာပါလို့ မကောင်းပြောချင်လျှင် လက်ညိုးထိုးစရာ သေးသေးမွှားမွှားလေးတွေရှိပေမယ့် သမာသမတ်ကျကျ ဝေဖန်ထောက်ရှုပြရလျှင် အပြစ်ပြောစရာထက် ချီးမွမ်းစရာများ နေမည်။ ဝေဖန်ရေးစာဆိုပြီး ဘုန်းတော်ဘွဲ့ချီးမွမ်းစာရေးသည်ဟုပင် ထောပနာပြုခံရနိုင်သည်။
Architect အငယ်များကို အခြေခံတွေမကြေညက်ခဲ့လေသလောဟု ဆန်းစစ်မှုပြုလျှင်လည်း မည်ကာမတ္တ De-sign Studio ၊ ကျောင်းသားဆရာအချိုး၊ တက်သုတ်ရိုက် Jury စစ်ဆေးမှုစသည်ဖြင့် ချို့တဲ့သောမြန်မာနိုင်ငံတက္ကသိုလ် ပညာရေးစနစ်အကြောင်း ဓာတ်ပြားဟောင်းသာ ပြန်ဖွင့်ရမည်။ (ရည်ညွှန်း။ Live Life Dezine Issue 9, “မျှော်မှန်းမိ တဲ့ဗိသုကာပညာရေး” ဒေါက်တာပွင့်)
အကြီးတန်း Architect တို့၏ လုပ်ငန်းဆောင်တာ များကို ဒေါက်တာလွင်အောင်ပြောသည့် FACE FATE PHCTS (ဘေးတွင် ဖော်ပြထားသည်။) (ရည်ညွှန်း။ Live Life Dezine Issue 9, “ပညာရပ်ဝေဘန်ရေးဗိသုကာ ပေါ် ထွက်လာပေဖို့ ဒေါက်တာလွင်အောင်) လက်ရာများကို ဝေဖန်နိုင်သည့်အခြေခံမူ (၁၄) ချက်ဖြင့် ဆန်းစစ်ဝေဖန်မှုပြု ချင်လျှင် ဆွေးနွေးပွဲအခင်းအကျင်းမူဘောင်များ အလျင်ချမှတ်ရမည်။ မူဘောင်လွတ်ဝေဖန်ချက်များ၊ ပုဂ္ဂိုလ်စွဲဝေဖန်ချက်

များကိုဖယ်ရှားပြီး လူထုဆွေးနွေးပွဲ အသွင်ဆောင်နိုင်စေရန် ပညာရပ်အဆင့်၊ ပုဂ္ဂလိကအဆင့်၊ နိုင်ငံတော်အဆင့်ဆွေးနွေး ပွဲအခင်းအကျင်း မူဘောင်များဦးစွာထားရှိမှ ပညာရပ်ဗိသုကာဝေဖန်ရေး ပီပြင်လာပေမည်။

သို့ပါသော်လည်း တစ်နေရာရာကတာ့ ကျွန်တော်တို့စကြရမည်။ မရှိတာကိုတမ်းတ၍ ရပ်နေ၍မရ။ ရှိတာကိုစိုးရွံ့ ၍ တန့်နေ၍ မရ။

ကျွန်တော်တို့နိုင်ငံအတွင်း၊ ကိုယ့်ဒူးကိုယ်ချွန် ဗိသုကာများရှိသည်။  ဆန္ဒပြလိုက်၊ ကျောင်းတက်လိုက်ဖြင့် RIT, YIT, YTU ခေတ်သုံးခေတ်ကူးပြီး ဘွဲ့ရခဲ့သူ Architect များရှိသည်။

အစမ်းသပ်ခံပညာရေးစနစ်ဖြင့် ထွန်းထွန်းပေါက်ပေါက်ဖြစ်ခဲ့သူများရှိသလို ဇော်ကန့်လန့် Architect များ လည်းရှိသည်။

ဒီဇိုင်းခကို တစ်ပြားမှမပေးလိုသောအိမ်ပိုင်ရှင်များရှိသလို ပေါပေါပဲပဲ ဒီဇိုင်းခဖြင့် အထပ်မြင့်ဆောက်လိုသူ De-veloper များလည်းရှိသည်။ မပြီးပြတ်သေးသော Building Code ကို အမှီပြုနေရဆဲလဲဖြစ်သည်။

စည်ပင်သာယာရေးကော်မတီနှင့် အိုးအိမ်ဦးစီးဌာနတို့အကြား လုပ်ပိုင်ခွင့်၊ လုပ်ကိုင်ခွင့်များ အတည်ပြုနေရဆဲ ဖြစ်သည်။

သူတို့နှစ်ခုကြားထဲက ကြီးထွားလာသော ဆောက်လုပ်ရေးဝန်ကြီးဌာနလည်းရှိသေးသည်။

အစိုးရအသစ်လည်းရှိသည်။ မူအဟောင်း လူအဟောင်းတွေလည်းရှိသေးသည် .....သည် .....သည်။

ဘယ်သူပင်ရှိရှိ၊ ဘယ်အရာပင်ရှိရှိ ကျွန်တော်တို့နိုင်ငံကတော့ ရှေ့ဆက်လျှောက်ရမည်။ ဤလူ ဤအရာများ ဖြင့်ပင် မြို့ပြကို တည်ဆောက်ရမည်။ ကျေးလက်ကို ဖွံ့ဖြိုးစေရမည်။ ဘုန်းကြီးပျံပွဲပန်းရထားဒီဇိုင်းမပြီးသေး၍ ဘုန်းကြီးပျံ ပွဲနောက်မှလုပ်မည်ဟု ရွှေ့၍ မရ။ လောကကြီးသည် တရားမျှတမှုကင်းမဲ့တတ်သည်။ အခြေအနေများ အဆင်သင့်သေး၍ ခွင့်လွှတ်လမ့်မည်ဟုတွေး၍မရ။ ကျောင်းမှာမသင်ပေးလိုက်လို့ Elevator Pit မေ့ခဲ့သည်ဟု ငိုချင်းချပြ၍မရ။ အာခီပဲအချိန် မမှီ၊ Deadline ကျော်မှာပေါ့ဟု ပြုံးဖြီးဖြီးလုပ်ပြ၍မရ။ (ခပ်တည်တည်ဖြင့် ပြန်ဟောက်တတ်လျှင်တော့ တစ်မျိုးပေါ့။) Architect တို့၏အမူအကျင့်တို့ကို ဝေဖန်ကြလိမ့်မည်။ ဗိသုကာလက်ရာဒီဇိုင်းတို့ကို ပေတံမျိုးစုံဖြင့်တိုင်း တာကြလိမ့်မည်။ ကျွန်တော်တို့ရွေးချယ်ရမည်က မည်သည့်ပေတံ၊ မည်သည့်မူဘောင်ဖြင့် ဆွေးနွေးဝေဖန်ကြမည်လဲဟု ရွေးချယ်ကြရမည်။

မူဘောင်အကွပ်ဖြင့် ဆွေးနွေးပွဲတွေလုပ်ချင်လျှင်တော့ MAC ကို အားကိုးရမည်။ MAC မှ စည်းကမ်းမူဘောင်များ ချမှတ်ပေးလိမ့်မည်။ ပညာရှင်များပါဝင်မှု၊ လူထုပူးပေါင်းပါဝင်မှု၊ ပွင့်လင်းမြင်သာရှိမှုတို့ဖြင့် စနစ်တကျ ဝေဖန်ထောက်ရှုနိုင် လိမ့်မည်။

ထိုကာလမတိုင်ခင် လူတိုင်းက မိမိရှိသည့်ပေတံဖြင့် ထုတ်တိုင်းကာ မြန်မာဗိသုကာ Architect ဆိုတာ ဘယ်လိုဟု ဆန်းစစ်ကြလိမ့်မည်။

 

- အိမ်ရှင်ရဲ့ငွေကြေးတတ်နိုင်မှုကိုမကြည့်၊ ငါ့ ဒီဇိုင်း ငါ့လက်ရာဆိုပြီး ငါတကော ကောတတ်သူများလား

အိမ်ရှင်အတွက် အချိန်၊ ငွေကြေး၊ ဘ၀ကို ချိန်ခွင်လျှာမျှမျှ တည်ဆောက်ပေးသူများလား

 

- မနက်ဖြန်ပြီးမယ်၊ နောက်တစ်ပတ်ပြီးမယ်.. နောက်ဆုံး “ဒီဇိုင်းဆိုတာ ညှစ်တိုင်းမထွက်လို့ ပြီးချင်တဲ့အချိန်ပြီးမယ်” ဆိုတဲ့ အချိန် မလေးစားသူတွေလား

ကတိတစ်ခုအတွက်၊ တာဝန်တစ်ခုအတွက် ဆိုခဲစေ မြဲစေလူစားတွေလား

 

- သတ်မှတ်ထားသော ဥပဒေစည်းမျဉ်းများ ကိုမလိုက်နာဘဲ Developer စိတ်တိုင်းကျ မြို့အတွက် ဒုက္ခ၊ နေသူ ဒုက္ခ၊ ရပ်ကွက် ဒုက္ခ တွေကို ဖန်တီးနေသူများလား

ပြည်သူ့အကျိုးပြုပညာအတွက် ပညာမာန ရဲရင့်ကြသူ တွေလား

 

- မြန်မာပြည်ရဲ့အချက်ချာနေရာတွေမှာ နိုင်ငံခြားက နယ်ချဲ့မှုဆန်ဆန် သူ့လူ သူ့ငွေဖြင့် လုပ်ချင်ရာလုပ်ခွင့် ရအောင်ပိုက် ဆံယူ Counterpart လက်မှတ်ရောင်းစားနေသူများလား

လုပ်ချင်ရာ လုပ်မသွားအောင် Counterpart ယူ၊ စစ်ဆေး မြို့တော်ကို ကာကွယ်ပေးသူ ပညာရှင်များလား

 

- ဆောက်လုပ်ရေးလုပ်ငန်းသုံး ပစ္စည်းရောင်းချသူများကို ကော်မရှင်တောင်း ပစ္စည်းကူရောင်းပေးသူများလား

ငါတို့မြန်မာ Architect တွေ သိက္ခာရွှေပေးလို့တောင်မရဆိုပြီး သီလသမာဓိကြီးသူများလား စသည်...စသည်ဖြင့် သန်ရာသန်ရာ ပေတံများဖြင့်တိုးကြလိမ့်မည်။

 

မြန်မာ Architect ဗိသုကာတို့ကြီးငယ်ရွယ်လတ်မရွေး သတိရှိကြကုန်။ စည်းလုံးကြကုန်။ ရိုင်းပင်းကြကုန်။ အတွေ့အကြုံဖလှယ်ရေး။ ပညာရပ်ဂုဏ်သိက္ခာမြှင့်တင်ရေး၊ ပညာရပ်တိုးတက်ရေးတို့အတွက် လူကြီးများမှလည်း စီစဉ်၊ လူငယ်များမှလည်းလိုက်နာ၊ လူလတ်များမှလည်း ပူးပေါင်းစေချင်သည်။ မူဘောင်လွတ်ဝေဖန်ရေးများ၊ မဆိုင်သောပေ တံဖြင့် အတိုင်းခံရမှုများကို ရှောင်ကြဉ်၍ ပညာရပ်ဝေဖန်ရေးဗိသုကာပေါ်ထွက်လာနိုင်ဖို့ သူများတွေပေတံမထုတ်ခင် ကိုယ့် ပေတံကို အဆင်သင့်လုပ်ထားမှရမည်။ Architect ဗိသုကာ အချင်းချင်း ရိုင်းပင်းစွာဝေဖန်ထောက်ရှုမှုမပြုလျှင် ကိုယ့် အားနည်းမှု ကိုယ်မမြင်၊ သူ့အားနည်းမှုသူမသိ ကိုယ့်ဆန်သူတစ်ပါးလာဖွပ်မှ ၀ါးလုံးရှည်ဖြင့် အရမ်းခံရနိုင်သည်။ ကိုယ့်ဆန် ကိုယ်ဖွပ်မှ အခွံသာသာကျွတ်မည်။ တစ်ပါးသူ အရမ်းကာ ရောဖွပ်တာခံရလျှင် ဆန်ကွဲဖြစ်မည်။

ဤသည်ကား ကျွန်တော်မြင်သည့်Architecture ဝေဖန်ရေးအတွက်နိဒါန်း                

 

လေးစားစွာဖြင့်

အယ်ဒီတာ