Live Life Dezine

Architecture & Design Magazine in Myanmar

အနုပညာရှင် အစစ်ဆိုတာ

အနုပညာရှင်အစစ်ဆိုတာ ခေတ်မီအောင်လုပ်နေတဲ့လူမဟုတ်ဘူး။ ဒီခေတ်မှာ ဘယ်နိုင်ငံကဘယ်သူတွေ ဘာတွေလုပ်နေကြသလဲဆိုတာကြည့်ပြီး သူတို့နဲ့ခပ်ဆင်ဆင်လိုက်လုပ်နေတဲ့လူမျိုးမဟုတ်ဘူး။ ခေတ်နောက်လိုက်နေတဲ့ နောက်လိုက်မဟုတ်ဘူး။ သူလုပ်ချင်တာကို ဘယ်သူ့မျက်နှာမှမကြည့်ဘဲ လုပ်နေတဲ့လူမျိုး။ ငွေတွေအများကြီးရတိုင်းလုပ်နေတဲ့လူမဟုတ်ဘူး။သူစိတ်ဝင်စားတဲ့အရာတွေကို စူးစူးစိုက်စိုက်လုပ်နေတတ်တဲ့လူမျိုး။ ငွေရလို့လုပ်နေတာမဟုတ်ဘူး။ သူလုပ်ချင်လို့လုပ်နေတာ။ ငွေတွေအများကြီးရလို့လုပ်ပြီးသားတွေပဲ ထပ်ခါတလဲလဲလုပ်နေတတ်တဲ့လူတွေထဲမှာ အနုပညာရှင်စစ်စစ်တွေမပါဘူး။ သူတို့က လုပ်ပြီးသားတွေကိုထပ်လုပ်ရမှာ အင်မတန်ဝန်လေးတယ်။ သိပြီးသားတွေ ထပ်မသိချင်ဘူး။ မသိသေးတာတွေကိုရှာချင်တာ။ မဖြစ်ဖူးသေးတာတွေကို ဖြစ်အောင်လုပ်ကြည့်ချင်နေတာ။ တစ်နေရာတည်းမှာ အကြာကြီးရပ်မနေတတ်တဲ့လူ။

 

သူတို့က သူများလုပ်တာတွေကိုလှမ်းကြည့်တယ်ဆိုတာ သူအလုပ်ထဲက ဘယ်နေရာတွေမှာ ထည့်သုံးလို့ရမလဲကြည့်တာ။ သူ့အလုပ်အတွက်၊ သူ့ဖန်တီးမှုအတွက် ဘယ်လိုအထောက်အကူရမလဲဆိုတဲ့စိတ်နဲ့ သူများကိုလှမ်းကြည့်တာ။ သူတို့လုပ်သလိုလုပ်ဖို့ လှမ်းကြည့်တာမဟုတ်ဘူး။ ကိုယ့်ဖန်တီးမှုထဲမှာ တစိတ်တပိုင်းထည့်သုံးနိုင်ဖို့လှမ်းကြည့်တာ။

သူတို့က ဘယ်သူ့ကိုမှလုံးလုံးလျားလျား အားကျတာမျိုးမရှိဘူး။ ဘယ်သူနဲ့မှမတူတာမျိုး လုပ်ကြည့်ချင်တာ။ ဘယ်သူနဲ့မှမတူတဲ့ ကိုယ်သိပ်ကြိုက်တဲ့ဖန်တီးမှုမျိုးရရင် ပျော်နေတတ်ကြတာ။ အဲဒီအခိုက်အတံ့မှာ အဲဒါမျိုးတွေ ထပ်ခါထပ်ခါလုပ်နေတတ်တယ်။ ပိုက်ဆံရလို့ လုပ်နေတာတော့မဟုတ်ဘူး။ သူ့အတွေးထဲမှာ အတွဲလိုက်ကြီးရှိနေလို့ ခပ်ဆင်ဆင်တွေလုပ်ကြည့်နေမိတာ။ Project ဖြစ်အောင်လုပ်နေတာမျိုးတော့ မဟုတ်တာအမှန်ပဲ။ အနုပညာရှင်က Project ဘယ်တော့မှလုပ်လိုတာမဟုတ်ဘူး။

သူတို့လုပ်ရပ်တွေကို လူတွေချီးကျူးတိုင်းလည်း ကျေနပ်ပီတိဖြစ်နေတတ်တာမဟုတ်သလို၊ ကဲ့ရဲ့ရှုတ်ချပေးခဲ့လည်း စိတ်ဓာတ်မကျတဲ့လူ။ သူတို့က ဝေဖန်ကဲ့ရဲ့တာတွေကိုခံနိုင်ရည်ရှိကြတယ်။ သူတို့လုပ်ရပ်တွေအတွက် သူတို့မှာ ခိုင်မာတဲ့ဆင်ခြေတွေရှိကြတယ်။ သူတို့မှာ ခိုင်မာတဲ့အယူအဆနဲ့ ယုံကြည်ချက်တွေကိုယ်စီရှိ ကြတယ်။ Idea ကောင်းသက်သက်နဲ့ လုပ်နေကြတာမဟုတ်ဘူး။ လေးနက်တဲ့ Concept တွေနဲ့လုပ်နေကြတာဖြစ်တယ်။ ဒါကြောင့် ဒါတွေဘာကြောင့်လုပ်ရတယ်ဆိုတဲ့ အယူအဆတွေရှိတယ်။ ဒီပစ္စည်းတွေ ဘာကြောင့်သုံးရတယ်ဆိုတဲ့ အယူအဆတွေရှိတယ်။ ဘာမဆိုသူတို့ရဲ့ ကိုယ်ပိုင်အယူအဆတွေနဲ့လုပ်နေကြတာ။

ဘာရယ်လို့မဟုတ်ပါဘူး။ ကောင်းမယ်ထင်လို့လုပ်လိုက်တာပါ။ ဒီလိုပဲ လျှောက်လုပ်ကြည့်တာပါလို့ဆိုတဲ့ ခပ်ပေါ့ပေါ့အတွေးနဲ့ လုပ်နေကြတာမဟုတ်ဘူး။ အဲဒီလောက် ပေါ့တန်တဲ့လူတွေမဟုတ်ဘူး။ သူတို့လုပ်တာတွေဟာ သူတို့အတွက် သေရေးရှင်ရေးတမျှ အရေးကြီးနေတတ်တယ်။

သူတို့က အပေါ်ယံကသွားတဲ့လူတွေမဟုတ်ဘူး။ အတွင်းထဲကိုဝင်သွားကြတဲ့လူတွေ။ ထင်ပေါ်ချင်လို့၊ လူရာဝင်ချင်လို့လုပ်နေကြတာမဟုတ်ဘူး။လူတွေကို ဩဇာပေးလွှမ်းမိုးနေရတာမျိုးကိုလည်းမကြိုက်ဘူး။ ထင်ပေါ် ကျော်ကြားတာကိုသာယာ၊ ငွေတွေအများကြီးရတာကို ကျေနပ်၊ ဩဇာလွှမ်းမိုးရတာကို ပီတိဖြစ်နေတာ အနုပညာရှင်အစစ်တွေမဟုတ်ဘူး။ ဒုတိယတန်းစားအနုပညာရှင်တွေသာ အဲဒီလိုမျိုးသဘောကျကြတာ။ True Artist တွေက အဲဒါမျိုးကိုလုံးဝသဘောမကျတတ်ဘူး။

သူတို့ကလူတွေကြားမှာ ထင်ပေါ်နေတာမျိုး သိပ်ကြိုက်တာမဟုတ်ဘူး။ သူတို့ရဲ့ဖန်တီးမှုတွေမှာ ပျော်နေတတ်တာ။ သူတို့က ပန်းချီဆရာဆိုရင် စေ့စပ်မှုတစ်ခုခုရလို့ရေးတာ၊ လွတ်လပ်တဲ့စိတ်နဲ့ရေးတာ။ ကြည်နူးမှုနဲ့ရေးတာ၊ လောဘစိတ်နဲ့ရေးတာမဟုတ်ဘူး။ အကျိုးမျှော်စိတ်တွေနဲ့ရေးတာမဟုတ်ဘူး။ မခံချင်စိတ်တွေနဲ့ ရေးတာလည်းမဟုတ်ဘူး။ လွတ်လပ်သန့်ရှင်းတဲ့စိတ်ဝင်စားမှုနဲ့ရေးဆွဲနေတာ။ အဲဒါကိုသဘောပေါက်လိုက်ပါ။ အဲဒါကိုသဘောပေါက်လိုက်ရင် အနုပညာရှင်အစစ်ဆိုတာ ဘယ်လိုလူမျိုးတွေလဲ၊ ရှင်းရှင်းလင်းလင်းသိသွားလိမ့်မယ် . . .

ဝင်းဖေမြင့်